როშენის შოკოლადი „ქენდი ნათსი“
2017 წლის 9 ოქტომბერს მომხმარებელმა დაფარული კომენტარით გვაცნობა მაღაზია „სპარში“გასაყიდი როშენის შოკოლადის „ქენდი ნათსის“ შესახებ, რომელშიც მატლები აღმოაჩინა. საჩივრის გადამოწმების მიზნით, 2017 წლის 10 ოქტომბერს, მომხმარებლის მიერ მითითებულ მაღაზია „სპარში“ (სს„ფუდმარტი“, ვაჟა-ფშაველას გამზ 2) შევიძინეთ როშენის შოკოლადი „ქენდი ნათსი“ და ლაბორატორიაში ანალიზისათვის ჩავაბარეთ.
ლაბორატორიიდან მიღებული პასუხის მიხედით, პროდუქტი აღმოჩნდა ობიანი, შიგთავსში მატლებით.
გაიზგავნა წერილი სურსათის ეროვნულ სააგენტოში და მაღაზიაში.
_____________________________
2017 წლის 1 ნოემბერს სურსათის ეროვნული სააგენტოდან მივიღეთ საპასუხო წერილი, რომლიდანაც ირკვევა, რომ სააგენტოს მიერ განხორციელებული მაღაზიის ინსპექტირებისას რეალიზაციაში აღარ აღმოჩნდა როშენის შოკოლადი „ქენდი ნათსი“, თუმცა ინსპექტორებმა ასაწონი ტკბილეულის დახლზე განთავსებულ პროდუქციაში აღმოაჩინეს მწერები (მატლის ჭუპრები). ასევე, აღმოჩნდა, რომ თაროებს სათანადო რეცხვა-დეზინფექცია არ უტარდებოდათ. ეს ფაქტი სააგენტომ კრიტიკულ შეუსაბამობად შეაფასა. მაღაზია დაჯარიმდა 1000 ლარით, ხოლო ასაწონი ტკბილეულის დახლს საწარმოო პროცესი შეუჩერდა, კრიტიკული შეუსაბამობის აღმოფხვრამდე.
---------------------------------------------------
2018 წლის 18 იანვარს, გადამოწმების მიზნით, ვაჟა-ფშაველას გამზირრი #2-ში მდებარე მაღაზია "სპარში" შევიძინეთ როშენის შოკოლადის „ქენდი ნათსი“ და ჩავაბარეთ ლაბორატორიას ანალიზისათვის.
ლაბორატორიიდან მირებული პასუხის მიხედვით პროდუქტის ორგანოლეპტიკური მახასიათებლები ნორმაშია.
კომენტარის გასაკეთებლად გთხოვთ გაიაროთ ავტორიზაცია